Mdee, Bulaya Wasimamishwa Kuhudhuria vikao vya Bunge Hadi Mwaka 2018

-
DODOMA: Mbunge wa Kawe, Halima Mdee na Mbunge wa Bunda Mjini, Ester Bulaya wote wa CHADEMA wameadhibiwa kwa kusimamishwa na Bunge kuhudhuria vikao vyote vilivyosalia vya mkutano wa 7 wa Bunge la Bajeti linaloendelea hivi sasa mjini hapa, pia hawatohudhuria mkutano wa 8 na wa 9 kwa utovu wa nidhamu.
Aidha Bunge limeamua kuwa, wabunge hao watarudi kuhudhuria vikao kuanzia kwenye Bunge la Bajeti la mwaka ujao (2018).
Tukio hilo limeibuka kufuatia vurugu zilizoibuka Ijumaa iliyopita baada ya Mbunge wa  Mvumi, Livingstone Lusinde kudai kwamba wapinzani bungeni humo wanatetea wezi wa mchanga wa dhahabu, hali iliyosababisha Mbunge wa Kibamba, John Mnyika kuibuka na kubishana. Mbunge mwingine ambaye hakujulikana jina lake aliwasha maiki na kumuita Mnyika mwizi, Mnyika alikitaka kiti cha Spika kimuamuru mbunge huyo kufuta kauli yake lakini spika alisema hakumsikia aliyesema maneno hayo.
Baada ya mabishano kati ya Spika na Mnyika, spika aliamuru Mnyika atolewe nje na polisi wa Bunge, hali iliyosababisha Halima Mdee na Ester Bulaya, waiingilie kati kuwazuia askari hao kumtoa nje. Jambo hilo lilisababisha tafrani licha ya Mnyika kutolewa nje huku wabunge wa upinzani wakitoka nje.
Spika alitangaza kumsimamisha Mnyika asihudhurie vikao vya bunge kwa wiki moja huku Ester Bulaya na Halima Mdee akisema wataandikiwa barua ili wakahojiwe na Kamati ya Haki na Maadili ya Bunge ambapo leo wameadhibiwa wasihudhurie vikao vya bunge kama ilivyoelezwa hapo mwanzo.

Comments

Post a Comment

Popular posts from this blog

Majaliwa: Serikali kulipa madeni yote ya watumishi

-
Image
Waziri Mkuu, Kassim Majaliwa WAZIRI Mkuu, Kassim Majaliwa amesema serikali italipa madeni yote ya watumishi ambayo yamehakikiwa na kukutwa kuwa ni halali. “Mheshimiwa Rais Dk John Pombe Magufuli alisitisha malipo sababu ya zoezi la kubaini watumishi hewa, sasa kazi hiyo imeshakamilika, yale yaliyobainika kuwa ni halali yatalipwa. Tunataka watumishi mfanye kazi ya kuwahudumia wananchi kwa bidii,” alieleza. Alitoa kauli hiyo juzi wakati akizungumza na watumishi wa Halmashauri ya Wilaya ya Uyui kwenye mkutano uliofanyika Kata ya Goweko, wilayani Uyui mkoani Tabora. Akiwa katika wilaya za Sikonge, Urambo, Kaliua na Uyui, Waziri Mkuu alielezwa na baadhi ya wabunge wa mkoa huo kwamba kuna watumishi ambao walihamishwa kutoka manispaa kwenda wilaya za jirani, lakini hawajalipwa fedha zao kwa zaidi ya miaka mitano sasa. Kwa nyakati tofauti, Waziri Mkuu ambaye ameweka utaratibu wa kukutana na watumishi wa umma kila anapofanya ziara za...
Read more

KUSILAWE: Nitahakikisha CCM inashinda majimbo yote Dar

-
Image
Katibu wa CCM katika Mkoa wa Dar es Salaam, Saad Kusilawe HUYU ndiye Kusilawe; Saad Kusilawe. Katibu wa Chama Cha Mapinduzi (CCM) katika Mkoa wa Dar es Salaam. Katika mazungumzo na mwandishi wa makala haya, anasema, “Nitapiga mzigo hadi nihakikishe CCM Dar inarejesha majimbo na kata zote zilizokwenda upinzani katika Uchaguzi Mkuu uliopita wa mwaka 2015.” Kusilawe pia alitoa ahadi hiyo hivi karibuni mbele ya Mwenyekiti wa Jumuiya ya Wazazi ya CCM na Mjumbe wa Kamati Kuu ya CCM, Abdallah Bulembo katika ziara aliyoifanya mkoani Dar es Salaam kuimarisha chama. Alisema, “Nikikumbuka yaliyotokea Dar es Salaam katika uchaguzi uliopita, ninakosa raha. Siamini kilichotokea Dar na ndiyo maana tunazidi kujipanga.” Katika Uchaguzi Mkuu uliopita, CCM katika Mkoa wa Dar es Salaam ilishinda majimbo manne na kupoteza majimbo sita. Majimbo ambayo CCM ilishinda na wabunge wake katika mabano ni Kigamboni (Dk Faustine Ndugulile), Ilala...
Read more