WAKISASA BLOG

Mhariri Mtendaji wa Kampuni ya Magazeti ya Serikali, Dk Jim Yonazi. WIKI ya kuelekea k w e n y e Jukwaa la biashara mkoani Tanga inaanza kesho huku Mkuu wa Mkoa wa huo, Martine Shigela akisema jukwaa hilo litasaidia kuwaandaa wakazi wa mkoa wake kushiriki kikamili kwenye fursa zinazokuja na bomba la mafuta. Agosti 5, mwaka huu, Rais John Magufuli na mwenzake wa Uganda, Yoweri Museveni waliweka jiwe la msingi la ujenzi wa bomba hilo la mafuta ghafi kutoka Uganda hadi Tanga linalotarajiwa kuibua fursa nyingi za uwekezaji, mbali na ajira.Akizungumza katika mahojiano maalumu na timu ya Kampuni ya Magazeti ya Serikali (TSN), Shigela alisema Jukwaa hilo  litakalorindima Alhamisi ijayo, Agost 17 mwaka huu, mbali na kuwaandaa wana Tanga kifikra, litatumika pia kutangaza fursa zinazopatikana mkoani humu. Hili ni jukwaa la tatu kuandaliwa na TSN inayochapisha magazeti ya HabariLeo, Daily News na SpotiLeo. La kwanza lilifanyika Mkoani Simiyu mwezi Februri na la...

Raisi wa Tanzania Dr John Pombe Magufuli akiwa na Raisi wa Uganda Mhe. Yoweri Kaguta Mseveni RAIS John Magufuli amewaongoza marais wengine wa nchi wanachama wa Jumuiya ya Afrika Mashariki (EAC), kumpongeza Rais mteule wa Kenya, Uhuru Kenyatta kwa kuibuka mshindi wa kiti hicho katika Uchaguzi Mkuu uliofanyika Jumanne wiki hii, Rais Magufuli alituma salamu hizo za pongezi kupitia ukurasa wake wa Twitter, akisema; “Nakupongeza Ndugu Uhuru Kenyatta kwa kuchaguliwa kuwa Rais wa Kenya kwa kipindi kingine. Nakutakia mafanikio mema.” Wengine waliotuma salamu zao ni Yoweri Museveni wa Uganda, Paul Kagame wa Rwanda na Pierre Nkurunziza wa Burundi. Waangalizi `wafagilia’ Wakati aliyekuwa mpinzani wake katika kinyang’anyiro hicho cha urais, Raila Odinga, Waziri Mkuu wa zamani wa Kenya na kambi yake ya Muungano wa Vyama vya Upinzani (NASA) wakilia kwa kile wanachodai kuchezewa rafu katika uchaguzi huo, waangalizi wa kimataifa kwa umoja wao wameeleza kufurahishwa na mchaka...

Waziri Mkuu wa mstaafu, Frederick Sumaye ameingia matatani tena baada ya Halmashauri ya Wilaya ya Mvomero kumpokonya shamba lake lenye ukubwa wa ekari 326 kwa madai ya kutoendelezwa huku ikisema Rais John Magufuli ameridhia hatua hiyo.   Hili ni shamba la pili Sumaye kunyang’anywa baada ya ekari 33 zilizopo eneo la Mabwepande kuchukuliwa Novemba mwaka jana huku Mkuu wa Wilaya ya Kinondoni, Ally Hapi akisema Serikali ilifikia uamuzi huo baada ya kiongozi huyo mstaafu kushindwa kuliendeleza kama notisi ya siku 90 ilivyoeleza.   “Oktoba 28, mwaka huu, Rais John Magufuli alibatilisha hati ya kumiliki ardhi ya shamba namba 3,074 lililopo Mabwepande. Shamba hilo lilikuwa na hati namba 53086. Jina la mmiliki lililoandikwa katika hati ni Frankline Sumaye,” alisema Hapi.   Jana, Mkurugenzi wa Halmashauri ya Mvomero, Frolent Kyombo alisema Rais Magufuli amekubali kufutwa kwa umiliki wa shamba hilo kupitia ilani ya ubatilisho ya Mei mwaka huu. ...

  Kampuni kubwa zaidi ya mitandao ya kijamii duniani Facebook, inatarajia kuanza kutoa huduma ya video itakayokuwa ikiitwa ''watch'' ama tazama.Teknolojia hiyo imebuniwa ili kushindana na televisheni za kawaida pamoja na mitandao ya you tube,Netflix, twitter na snap chat. Facebook inasema kwamba imewekeza mamilioni ya dola katika kuifanya huduma hiyo kupendwa zaidi.Nayo Kampuni ya Disney jana ilitangaza kuwa kuanzia mwaka 2019, itafuta makubaliano kati yake na kampuni ya Neflix na kuunda huduma yake mpya ya video. Facebook tayari ina vipindi kadha vikiwemo vya michezo, vya familia na vya televisheni ya National Geographic.Watch itaanza kuonyeshwa nchini Marekani kabla ya maeneo mengine kuruhisiwa kutazama.