JPM asema Barrick ni wanaume,wametubu na wamekubali kulipa kila kitu.

Prof.John Thornton(MMILIKI WA ACACIA MINING LIMITED)akiwa na Dr. John Pombe Magufuli Raisi wa jamhuri ya muungano wa Tanzania Jijini Dar es salaam leo hii.

Rais John Pombe Magufuli (JPM) amekutana na Mwenyekiti Mtendaji wa kampuni mama ya uchimbaji wa madini ya Barrick Canada, Profesa John Thornton na kufanya naye mazungumzo Ikulu leo.

Amesema Barrick imepitia mapendekezo yote ya kamati ya pili ya mchanga wa madini na kuwa imekubali kulipa chochote ambacho kitaonekana wanatakiwa kulipa.“Baada ya kuwaona nilifurahi na nikasema hawa ni wanaume, wakasema yaliyotokea ni bahati mbaya na wanatubu kwa hayo.” Amesema.

Rais amesema Mkurugenzi huyo alikuja na timu yake ya wanasheria wakati kwa upande wa Tanzania nao ilikuwepo timu ya wanasheria wakiongozwa na Profesa  Palamagamba Kabudi.“Ilikuwa ni timu ya maprofesa kwa maprofesa,” amesema.Amesema timu hiyo ya Barrick ilipitia mapendekezo yote na wakakubali kuwa wapo tayari kulipa baada ya majadiliano na makubaliano yatakayoafikiwa.